हैप्पी बर्थडे बिहारी बाबू

0
1061
Want create site? Find Free WordPress Themes and plugins.

भारतीय सिनेमा के बिहारी बाबू कहे जाये वाला दिग्गज अभिनेता शत्रुघ्न सिन्हा के जन्मदिन, आज यानि कि 9 दिसम्बर के होला। आज बिहारी बाबू के 74वां जन्मदिन ह।

इहां के जन्म 9 दिसंबर 1945 के बिहार के पटना शहर में भईल रहे। शत्रुघ्न नाम के पीछे एगो बड़ा रोचक कहानी बा। उहां के नाम ‘रामायण’ के आधार पर रखल गईल। इहां के चार भाई रहनीं। राम, लक्ष्मण, भरत में सबसे छोटहन के नाम शत्रुघ्न रखल गईल। पटना साइंस कॉलेज से पढ़ाई करे के बाद शत्रुघ्न सिन्हा पुणे के ‘फिल्म एंड टेलीविजन इंस्टीट्यूट ऑफ इंडिया’ (FTII) से पढ़ाई कईनी। ओकरा बाद शत्रुघ्न जी फिल्म जगत में पहचान बनावे के सपना पूरा करे खातीर पुणे से मुंबई आ गईनी। बड़ा मशक्कत के बाद उहां के मौका मिलल आउर हिंदी फिल्म ‘प्रेम पुजारी’ में एगो पाकिस्तानी सैनिक के किरदार में नजर अईनी।

एह फिल्म के बाद शत्रुघ्न सिन्हा जी साल 1969 में  मोहन सहगल के फिल्म ‘साजन’ में एगो पुलिस इंस्पेक्टर के छोटहन रोल कईनी लेकिन जवने प्लेटफार्म के जरूरत रहल उहां के नाहीं मिलल। अभिनेत्री मुमताज के सिफारिश से उहां के चंदर वोहरा के फिल्म ‘खिलौना’ मिलल, जवना फिल्म के हीरो संजीव कुमार रहनीं। एह फिल्म में बिहारी बाबू के बिहारी दलाल के रोल दिहल गईल। एह फिल्म में काम कईले के बाद शत्रुघ्न जी रातोंरात ओह निर्माता के पहिला पसंद बन गईनी। शत्रुघ्न जी के गाल पर कट के निशान उहां के विलन बने में प्लस पाइंट बन गईल। गुलजार के फिल्म ‘मेरे अपने’ में शत्रुघ्न सिन्हा फेमस ‘छेनू’ के किरदार निभईनी। ओकरा बाद एक से एक बेहतरीन फिल्म में काम करके शत्रुघ्न सिन्हा आगे बढ़े लगनी। फिल्म ‘कालीचरण’ शत्रुघ्न के हिंदी सिनेमा में एगो नया विस्तार दिहलस आउर ओकरा बाद फिर उहां के कबो पीछे मुड़के नाहीं देखनी।

हिन्दी फिल्म में ही नाही इहां के भोजपुरी फिल्म में भी अपना अभिनय के दम पर भोजपुरियन के चहेता बन गईनी। फिल्म राजा बाबू अउरी राजा ठाकुर जईसन फिल्म में साफ तौर पर इहां के उभिनय क्षमता देखल गईल। भोजपुरी फिल्म राजा ठाकुर में अभिनेता मनोज तिवारी के साथे इहां के गजब के कैमेस्ट्री देखेके मिलल। इहाँ के भोजपुरी फिल्म इंडस्ट्री में भी एगो खास जगह बनवला में कामयाब भईनी।

शत्रुघ्न सिन्हा के शादी पूर्व मिस यंग इंडिया पूनम से भइल बा। पूनम के शत्रुघ्न जी द्वारा फ़िल्मी अंदाज़ में प्रपोज़ कइल गइल। उहां के चलत ट्रेन में फिल्म ‘पाकीजा’ के डायलॉग ‘अपना पांव जमीन पर मत रखिएगा…’के कागज पर लिखके प्रोपोज कईनी आउर ओकरा बादे शादी भइल।फिल्म के साथे इहाँ के सामाजिक अउरी राजनीतिक सक्रियता भी काबिले तारीफ़ बा। शत्रुघ्न सिन्हा के दू बेटा लव, कुश आउर एगो बेटी मशहूर बॉलीवुड अभिनेत्री सोनाक्षी सिन्हा बाड़ी।

बिहारी बाबू के गहना लाइव के तरफ से बेर बेर बधाई।

Did you find apk for android? You can find new Free Android Games and apps.

LEAVE A REPLY

Please enter your comment!
Please enter your name here