Google पर सबसे ज्यादा सर्च जेकरा के  कइल गइल ऊ ह एगो बिहारी……

साल 2018 से अब तक देश भर में सबसे ज्यादा सर्च होखे वाला भारतीय में पहिला नाम विंग कमांडर अभिनंदन वर्धमान के बा । सर्च में दूसरका नंबर पर गायिका लता मंगेशकर आउर तीसरा स्थान पर क्रिकेटर युवराज सिंह बाने। चौथा नाम अबकी बिहार के लाल आनंद कुमार  के बा। आनंद बाबू गूगल सर्च में टॉप बिहारी बने पर बिहार के लोग के धन्यवाद दिहलें। आनंद कहलें कि लोग के प्यार आउर साथ मिलत रहल त जल्दी कुछ बड़हन करब। ‘सुपर 30’ के संचालक आनंद कुमार के नाम एगो आउर उपलब्धि जुड़ला के बधाई। गूगल पर सबसे ज्यादा सर्च बिहारी में उनकर नाम टॉप पर बा।
आनंद कुमार के जीवन पर बनल बा बॉलीवुड फिल्म “सुपर 30”
आनंद कुमार एह साल अपना बायोपिक फिल्म सुपर 30 के लेके चर्चा में रहले। एह फिल्म में अभिनेता ऋतिक रौशन उनकर किरदार के निभवले बाने। ई फिल्म अच्छा-खासा कमाई कइलस अउरी ऋतिक रौशन के बिहारी टोन के सब लोग खूब एन्जॉय कइल।

आनंद कुमार के अमेरिका से हाले में फेडरेशन ऑफ इंडियन एसोसिएशन के 50वां स्थापना वर्ष समारोह में शामिल होखे खातीर आमंत्रण मिलल बा। न्यूयॉर्क में गणतंत्र दिवस के पूर्व संध्या पर आयोजित समारोह में आनंद कुमार शामिल होखे जा ताने। एसोसिएशन सुपर 30 फिल्म के रीयल हीरो आनंद कुमार के आमंत्रण दिहले बा।

आपके बता दीं कि गरीब लइकन के मुफ्त आउर निशुल्क शिक्षा देके प्रतिष्ठित आईआईटी जईसन संस्थान में दाखिला दिलावे के श्रेय आनंद कुमार के जाला। अपना कड़ा मेहनत के दम पर आनंद कुमार ई मुकाम  हासिल कईलन. इहे कारण बा कि गूगल पर सबसे ज्यादा सर्च होखे वाला बिहारी में आनंद कुमार के नाम अव्वल आईल बा।