लगातार हो रहल बारिश से बिहार के कई जिला के हाल बेहाल बा| करीब 15 जिला के अलर्ट पर रखल गइल बा| ओहिजे, बिहार के राजधानी पटना में जलजमाव आपन पुराना रिकॉर्ड के तोड़ रहल बा है| पटना के कई अइसन इलाका बा जहवां जल भराव के वजह से बाढ़ जइसन हालात बन चुकल बा| कई जगह पर नाव, जेसीबी के सहारे लोग के घर से निकालल जा रहल बा| लेकिन इ सबके बीच सोशल मीडिया पर एगो लइकी के तस्वीर काफी वायरल हो रहल बा|
लइकी पटना के जलजमाव वाला सड़क पर फोटोशूट करववले बीआ|जेकरा के लेके सोशल मीडिया यूजर्स दू हिस्सा में बंटल बाड़न| कई फेसबुक यूजर्स एकर सराहना कइले बाड़न त कई इ फोटोशूट पर लइकी के ट्रोल कर रहल बाड़न|
जी , इ तस्वीर कओनो समंदर किनारे ना खींचावल जात बा बल्कि बाढ़ से संमदर पटना में बाढ़ के बीच फोटोशूट करावल गइल बा| जहवां एक तरफ लगातार हो रहल बारिश से बिहार के कई जिला के हाल बेहाल बा, ओहिजे एगो फैशन स्टूडेंट बिहार में बाढ़ के तऱफ लोग के ध्यान खींचे खातिर इ अनोखा तरीखा इख्तियार कइले बाड़ी|
आदिति सिंह नाम के इ छात्रा पटना के जलभराव वाला सड़क पर फोटोशूट करववले बाडी| आदिति सिंह निफ्ट पटना के छात्रा बाड़ी| इ फोटोशूट में आप देख सकेली की सड़क पर पानी बा आउर आदिति आराम से बाढ़ के पानी के बीच में पोज दे रहल बाड़ी| छात्रा के पीछे एगो बड़ा पेड़ भी गिरल देखल जा सकता|
फोटोशूट के लेके अदिति सिंह आउर उनकरा सहयोगी के कहना बा कि फोटोशूट के मकसद पटना के ताजा हालात के आपन प्रोफेशन के हिसाब से देखावे खातिर करल गइल बा| अदिति के इ फोटोशूट के वीडियो भी इंस्टाग्राम पर डालल गइल बा जे कि सोशल मीडिया में वायरल हो रहल बा|
